نئی دہلی، 9 نومبر (یو این آئی) اجودھیا کے رام جنم بھومی بابری مسجد زمینی تنازعہ میں سپریم کورٹ کے آج آنے والے فیصلے سے قبل چیف جسٹس رنجن گوگوئی کو زیڈ پلس سیکورٹی فراہم کی گئی ہے۔سپریم کورٹ کے احاطے میں سیکورٹی بندوبست سے متعلق ذرائع نے بتایا کہ جسٹس گوگوئی کو زیڈ پلس سیکورٹی فراہم کی گئی ہے، جبکہ آئینی بنچ کے دیگر ججوں کے لئے بھی پہلے سے سیکورٹی کے سخت بندوبست کئے گئے ہیں۔ان ججوں کی سرکاری رہائش گاہ پر بھی سیکورٹی میں مزید اضافہ کردیا ہے۔سپریم کورٹ کے احاطے میں جہاں ایک طرف سیکورٹی کے پختہ انتظامات کئے گئے ہیں، وہیں اس کے گرد نواح کے پورے علاقے کو سکیورٹی محاصرے میں لے لیا گیا ہے۔ عدالت کی جانب جانے والی تمام سڑکوں کی نگرانی میں اضافہ کردیا گیا ہے۔واضح رہے کہ عدالت کے عظمی صدر دروازے سے لے کر عدالت کے چیمبر اور اندرونی موسٹ زون تک سیکورٹی کی ذمہ داری دہلی پولیس کے ذمہ ہے۔زیڈ پلس سیکورٹی ملک کا سب سے سخت حفاظتی کوَر سمجھا جاتا ہے، جس میں 55 سیکورٹی اہلکار تعینات ہوتے ہیں، جن میں 10 سے زیادہ نیشنل سکیورٹی گارڈ (این ایس جی) کمانڈو شامل ہوتے ہیں۔
