ممبئی9، نومبر(یواین آئی) مہاراشٹر کے گورنر بھگت سنگھ کوشیاری نے بی جے پی کو سب سے بڑی پارٹی کی حیثیت سے حکومت سازی کے لیے مدعوکیا ہے ،گورنر نے اسمبلی کے تحلیل ہونے سے تقریباً پانچ گھنٹے قبل دیویندر فڑنویس کو مدعوکیا کیونکہ سابقہ اسمبلی کی مدت نصف کو ختم ہونے والی ہے۔گورنر نے اسمبلی میں نومنتخب بی جے پی لیڈردیویندر فڑنویس کو مدعوکرتے ہوئے کہا کہ اگر وہ حکومت بنانے میں دلچسپی رکھتے ہیں اور مہاراشٹر میں حکومت کی تشکیل کی صلاحیت ہے تو وہ حکومت تشکیل دیں۔واضح رہے کہ ریاستی اسمبلی کے الیکشن کے بعد 24اکتوبر کو نتائج ظاہرکیے گئے اور بی جے پی سب سے بڑی پارٹی 105نشستوں کے ساتھ بن کر ابھری تھی ،لیکن اس کی اتحادی شیوسینا نے ففٹی ففٹی کے فارمولے پر عمل کرنے کی بات رکھ دی جس سے دونوں میں اختلاف پیدا ہوگئے اور پندرہ روز گزر جانے کے بعد بھی حکومت تشکیل نہیں دی جاسکی ہے۔
گورنر نے اسمبلی کی مدت ختم ہونے سے پانچ گھنٹے قبل فڑنویس کو حوکمت سازی کے لیے مدعوکیا ہے ،جس ککے 105ممبران ہیں۔مزید 42ممبران کی ضرورت پیش آئے گی۔
