چنمیا نند معاملہ:ایس آئی ٹی نے لیڈیز بیگ اورکپڑے برآمدکئے

شاہجہاں پور:02 نومبر(یواین آئی) سابق مرکزی وزیر چنمیا نند کے معاملے کی جانچ کررہی ایس آئی ٹی نے سنیچر کو اترپردیش پولیس کی مدد سے شاہجہاں پور میں ایس ایس کالج سے منسلک نالے سے لیڈیز بیگ،کپڑے اور دستاویز برآمد کئے ہیں۔حالانکہ اسٹنگ میں استعمال چشمے کا ابھی تک پتہ نہیں چل سکا ہے ۔پولیس ذرائع نے بتایا کہ ایس آئی ٹی نے آج دوپہر مقامی پولیس کے تعاون سے ایس ایس کالج سے منسلک نالے کی چھان بین کی اور سخت مشقت کے بعد بالے کے اندر سے لڈیز بیگ اور کالج کے دستاویز برآمد کئے ہیں۔ صبح ایس آئی ٹی کی ٹیم سوامی چنمیانند معاملے کی جانچ کرنے ایس ایس کالج پہنچی اور وہاں پوچھ گچھ کیا۔ پوچھ گچھ کے بعد انہوں نے کالج سے سٹے لانے کی صفائی کراکر اس میں تلاشی شروع کی۔ایس آئی ٹی کی دیکھ ریکھ میں نالے کو دن میں تقریبا 11 بجے سے شام تقریبا چار بجے تک سرچ مہم چلائی گئی۔ نالے کے اندر سے لڈیز بیگ اور کالج کے کاغذات اور کپڑے برآمد ہوئے ہیں۔ بتایا جارہا ہے کہ کپڑے اور لیڈیز پرس مبینہ متا ¿ثرہ لڑکی کے ہیں۔
انہوں نے بتایا کہ نالے سے برآمد دستاویز سوامی چنمیانند معاملے میں کافی اہم کردار ادا کرسکتے ہیں۔حالانکہ ایس آئی ٹی نے اس کی کوئی تصدیق نہیں کی ہے ۔ایس آئی ٹی کی جانچ کی پرتیں کھلیں تو بہت سے ایسے نام سامنے آسکتے ہیں جس میں میں ملی بھگت کے پختہ ثبوت مل سکتے ہیں۔ ایس آئی ٹی کے ذرائع نے بتایا کہ برآمد کاغذات کی جانچ کی جارہی ہے ۔ساتھ ہی اس چشمے کی بھی تلاش جاری ہے جس سے لڑکی نے اسٹنگ آپریشن کیا تھا۔چنمیا نند معاملے میں سب سے اہم خفیہ کیمروں والا چشمہ تھا۔ اسی چشمے میں لگے کیمرے کی وجہ سے سابق مرکزی وزیر داخلہ چنمیا نند بے نقاب ہوئے ہیں۔ طالبہ نے کئی بار دعوی کیا ہے کہ اس نے ہاسٹل کے روم میں چشمہ رکھا تھا لیکن ایس آئی ٹی نے جب ہاسٹل کا روم کھولا تووہاں چشمہ نہیں ملا۔قابل ذکر ہے کہ شاہجہاں پور کی قانون کی طالبہ نے سابق مرکزی وزیر پر جنسی استحصال کا الزام لگایا تھا۔ اس معاملے میں سوامی چنمیانند کے علاوہ متا ¿ثرہ طالبہ اور اس کے دوستوں کو بھی گرفتار کیا گیا تھا۔ ایس آئی ٹی اس معاملے کی جانچ کررہی ہے